DNA Collection Center © 2022 ALL RIGHTS RESERVED. 

Company site map

​​​​Kiko ta DNA?
DNA ta para pa Deoxyribonucleic Acid. Esaki ta un blue print genétiko òf patronchi uniko ku tur hende ta nanse kuné. Mitar di kada persona su DNA ta ku wordu heridá di parti mama. E otro mitar e persona ta heridá di su tata biológiko. Un tèst di DNA ta un komparashon di e patronchi di DNA pa asina determina si tin of no tin un relashon biológiko entre dos persona of mas.

Analises di DNA ta esun mas konklusivo, eksakto i konfiabel pa verifiká relashonnan biológiko. DNACC su resultadonan di probalidat di paternidat ta por lo menos 99.99% den kada kaso.

Kon e kolekshon di DNA ta?
DNACC ta husa e sistema di ‘Buccal Swab Collection’. Ku un q-tips speshal ta frega parti paden di e boka pa asina kue selulanan. E sistema di kolekshona muestra di DNA aki no ta hasi doló i lo no laga un impakto negativo psygológiko riba e mucha.

Tèst di Paternidat.
E tèst aki ta esun di mas konosi i ta determiná si akaso un hende homber por ta e tata biológiko di un mucha(nan). DNACC ta ofresé dos tipo di Tèst di Paternidat ku ta (1) Paternidat Legal i (2) Paternidat DIY (Do-It-Yourself).

Paternidat Legal.
E resultadonan di e tèst aki ta hurídiko bàlido. E ta wordu husá den kasonan di tutela (voogdij), alimentashon i herensha.

Pa e tèst aki e mama, mucha(nan) i supuesto tata mester ta presente na mesun momentu i na mesun ora. Mama i supuesto tata mester trese kada un un testigu. Tur persona mester identifiká nan mes ku sea sedula, rijbewijs òf pasaporte. Si akaso e mucha(nan) no tin esakinan ta identifiké ku sertifikado di nasementu. Ta yena i firma formulario di kustodia i identifikashon i esakinan ta bai huntu ku e muestranan di DNA pa nos laboratorio.

Nota: Si e mama no ta presente pa e tèst, e supuesto tata/guardian/instansha ku ta representa e mucha mester bini ku un di e siguinte dokumentonan: (-) Orden di korte pa hasi e tèst, (-) Dokumentashon di korte ku e supuesto tata/guardian/instansha tin kustodia di e mucha òf (-) Sertifikashon di nasementu di e mucha ku e nòmber di e supuesto tata menshoá komo e tata.

Paternidat Do-It-Yourself.
Resultado di e tèst aki NO ta huridíko bàlido i ta solamente pa bo tin pas ku bo konsenshi (peace-of -mind).  E tèstnan aki ta fasil, lihé i mas barata i DNACC ta ofrese esakinan den un DIY-Kit na diferente botika aki na Kòrsou. Ku e DNA-Kit aki bo mes ta hasi e muestra di DNA den bo mes ambiente. Pa mas informashon yama nos na 5230-DNA of klik aki.

Dikon ta asina importante pa establesé Paternidat pa e mucha?
• Benefisionan ekonómiko: Kasonan di alimentashon, seguro médiko, Seguro Social, derechi di naturalisashon i herensia.
• Informashon mediko: Asuntonan i enfermedatnan ku por wòrdu heridá di e tata i su famia pa diagnósis i tratamentu médiko den futuro di e yu.
• Lasonan emoshonal i familiar: Ta importante pa e yu sa ta ken ta su tata biológiko, su abuelonan i otro miembronan di famia pa asina nan por krea un relashon familiar.
• Kasonan di tutela (voogdij).


Kuantu tempu ta dura pa haña e resultado?
Pa tèstnan di Paternidat esaki lo por denter di 5 pa 8 dia di trabou kaba. Pa otro tèstnan familiar esaki lo por ta denter di 8 pa 12 dia di trabou. Ta depende naturalmente di diferente faktor ku por tarda e resultado manera e.o. tardansa den transporte, okupashon di e laboratorio ets. Asina nos risibí e resultado, nos ta tuma kontakto kubo. Tene kuenta ku di ningun manera nos no ta duna resultado via di telefón i solamente na e persona/instansha ku a hasi e petishon. Esaki for di e punto di bista di privasidat.

Kiko mester hasi pa hasi un tèst di DNA?
Pa hasi un tèst di DNA, simplemente yama nos na 5230-DNA. Nos ta hasi un sita pa asina nos por tuma e muestra di DNA. Tambe bo por e-mail nos na dnacollectioncenter@gmail.com i nos lo drenta den kontakto ku’bo. 

Otro tèstnan di DNA ku DNA Collection Center ta ofresé, ta:
• Tèst di Maternidat. Kasonan di adopshon, imigrashon i kambio di baby.
• DNA Profiling. Interesante pa hendenan ku ta biaha hopi of tin un trabou peligroso

  manera piloto of brandweer.
• Sibling DNA Testing. Pa determiná si dos mucha ta ful of mitar ruman.
• Ancestry DNA Test. Ku e resultado di e test aki bo ta diskubrí di unda bo antepasadonan ta bini.
• Grandparent DNA Testing. Ta determiná si akaso un tata por ta e abuelonan boilógiko di un mucha.
• Animal DNA Testing. Diferente tipo di tèst pa kachó, pushi i para entre otro profil di DNA i rasa.

DNA Collection Center ta ofresé su klientenan resultadonan konfiabel, ku ta atmisibel den korte i nos sistema di traha ta hopi konfidensial.


​For more information you can always call us on 5230-DNA(362) or ​send us an email at dnacollectioncenter@gmail.com.

INTRODUKSHON dna

Contact information


Appointments and Collections:

Please always call first 5230-DNA / 869-0974

Elohim Medical Center

Kaya Point-a-Pitre 2-3A

No Walk-ins permitted.


Email: dnacollectioncenter@gmail.com

Website: dnacollectioncenter.com

Facebook: dnacollectioncenter


Monday to Friday

08:00 - 12:00 and 13:30 - 17:30.

Saturday and Sunday closed.


Bank information:

Company name: DNA Marketing

Address: Kaya Aragua 55, Willemstad, Curaçao

Account nr.: MCB 32909408


Terms  & Conditions and Privacy Policy.

Powered & Design by: VMA - Varia Marketing - T. +5999 513-0361

DNA Collection Center is a trade name of DNA Marketing.